Lom skifestival finn stad 12. –15. november 2020.

Allereie i november, når regnbygene står i kø i låglandet, er snøen og skiføret på plass i Jotunheimen - og vi inviterer snøelskande og skiglade folk til å starte sesongen på Lom skifestival. Festivalsnøen finn vi på Sognefjellet i Jotunheimen, medan filmar, foredrag og sosialt samvær finn stad på Norsk fjellsenter og Nordal turistssenter i Lom.  

Med festivalpass får du:

·      melde deg på guida turar til vinterens fyrste snø 

·      foredrag og film på Norsk fjellsenter

·      enkel middag på Norsk fjellsenter fredag

·      festivalmiddag på Nordal turistsenter laurdag

·      festivalpub med levande musikk på Nordal turistsenter laurdag kveld

·      fri inngang til utstillinga Bergtatt på Norsk fjellsenter der du kan sjå Noreg si eldste ski med binding

·      deltaking på workshops om ski, snø og tryggleik

·      kaffi, bål og turtips

·      tilgang til demoutstyr og vegleiing

·      gode prisar på overnatting

KORONAINFORMASJON

For å gjere det enkelt å halde ein meter avstand og oppretthalde godt smittevern, legg vi i første runde berre ut 80 festivalpass for Lom skifestival 2020. Vi tilbyr full refusjon av billettane dersom myndigheitane endrar reglane for arrangement.

ARRANGØR

Lom skifestival arrangast av Norsk fjellsenter i Lom. Du når oss på info@lomskifestival.no og 61 21 16 00.